Rais Pierre Nkurunziza wa Burundi amesema kuwa, hatasalimu amri
kwa wale wanaofanya njama kutaka asigombee urais katika uchaguzi mkuu
ujao nchini humo.
Hayo yamesemwa na Willy Nyamitwe, mshauri wa Rais Nkurunziza
akimnukuu rais huyo ambapo pia amekosoa maandamano ya wapinzani
wanaopinga azma yake ya kushiriki katika uchaguzi ujao na kuitaja hatua
hiyo kuwa ni kinyume na demokrasia. Nyamitwe amesisitiza kuwa, Rais
Nkurunziza hatasalimu amri katika azma yake hiyo. Amewataja wale
wanaoandamana kupinga hatua hiyo kuwa, wanatishia usalama wa wananchi
katika uchaguzi ujao.
Mshauri huyo wa raia wa Burundi anasema chama tawala CNDD-FDD, kama
vilivyo vyama vingine vya siasa na katika fremu ya mwenendo wa
kidemokrasia, kina haki ya kumteua mgombea yeyote kimtakaye.
Kwa muda wa siku tatu sasa, maeneo kadhaa ya Burundi yamekuwa
yamekumbwa na machafuko makali ambayo yamesababishwa na hatua ya chama
tawala CNDD-FDD kumuidhinisha Rais Nkurunziza kupeperusha bendera ya
chama hicho katika uchaguzi ujao
Umoja wa Mataifa umeeleza wasiwasi wake juu ya kusahaulika
mgogoro wa Jamhuri ya Afrika ya Kati. Ripoti iliyotolewa na Shirika la
Kuhudumia Wakimbizi la Umoja wa Mataifa (UNHCR) imesema kuwa, idadi ya
wakimbizi laki tisa wa nchi hiyo ambalo ni tatizo mkubwa la kibinaadamu,
ni suala ambalo halitakiwi kusahaulika wala kupuuzwa na jamii ya
kimataifa. Ripoti hiyo imeeleza kuwa, zaidi ya raia laki nne na 60 elfu
wa Jamhuri ya Afrika ya Kati wamekimbilia nje ya nchi, huku wengine
wapatao laki nne na elfu 36 wakiwa wakimbizi wa ndani. UNHCR imesisitiza
kuwa, karibu watu milioni mbili na laki saba wanahitajia msaada wa
haraka kutokana na hali yao mbaya. Imeongeza kuwa, licha ya kiwango
hicho cha kutia wasiwasi lakini bado asasi husika zimeshindwa kudhamini
bajeti kwa ajili ya misaada ya waathirika hao wa mgogoro wa Jamhuri ya
Afrika ya kati.
Mgogoro wa Jamhuri ya Afrika ya Kati ulishadidi zaidi mnamo mwaka
2013, baada ya kuondolewa madarakani aliyekawa rais wa nchi hiyo,
Francois Bozize na waasi wa muungano wa Seleka. Mgogoro ulifuatiwa na
mauaji makubwa, ambayo wahanga wake wengi walikuwa Waislamu.
Wanaharakati nchini Afrika Kusini wameipa muhula wa siku 10 pekee
serikali ya nchi hiyo kuhakikisha inamtimua balozi wa utawala wa
Kizayuni wa Israel katika nchi hiyo. Taarifa ya pamoja iliyotolewa na
jumuiya tofauti za kiraia nchini humo imesema iwapo serikali ya Pretoria
haitasikiliza amri hiyo ya kumfukuza Arthur Lenk, balozi wa Israel
nchini mwao, basi watavamia majengo ya ubalozi wa utawala huo wa
Kizayuni na kumuondoa kwa nguvu. Pendekezo hilo la wanaharakati wa
Afrika Kusini limetolewa kufuatia pingamizi la viongozi wa Israel la
kumzuia Blade Nzimande, Waziri wa Elimu ya Juu wa Afrika Kusini kufanya
safari katika ardhi za Palestina zinazokaliwa kwa mabavu. Jumuiya za
kiaraia zilitoa taarifa hiyo jana, katika kikao kilichokuwa kimeitishwa
kwa lengo la kuchunguza utendaji wake ambapo pia washiriki waliitaja
hatua ya utawala wa Kizayuni ya kumzuia Nzimande na maafisa wengine
watatu wa Afrika Kusini kuingia ardhi za Palestina zinazokaliwa kwa
mabavu, kuwa si tu kwamba ni kumdhalilisha waziri huyo, bali pia ni
kuudhalilisha udiplomasia wa Afrika Kusini na wananchi wote wa nchi
hiyo.
Afrika kusini ni moja kati ya nchi ambazo zimewapiga marufuku
wanafunzi wa Israel kujiunga na vyuo vikuu vya nchi hiyo, katika kupinga
na kulalamikia jinai za Tel-Aviv dhidi ya Wapalestina hususan wakazi wa
Ukanda wa Gaza.
Mawaziri wa Ulinzi wa Iran na Syria wamesisitiza juu ya udharura wa kudumishwa mapambano ya pande zote dhidi ya ugaidi.
Waziri wa Ulinzi wa Iran Brigedia Jenerali Hussein Dehqan amesema
vita vya kulazimishwa vya matakfiri na Uzayuni dhidi ya wananchi wa
Syria ni vita vinavyopiganwa kwa niaba ya upande mwingine na stratejia
ya pamoja ya Marekani na utawala wa Kizayuni wa Israel. Brigedia
Jenerali Dehqan amesema kuwa lengo la vita hivyo ni kuudhaminia usalama
wa kudumu utawala wa Kizayuni, kuzidhoofisha na kuzigawa nchi za
Kiislamu, kubadili muundo wa eneo la Mashariki ya Kati, kukabiliana na
wimbi la mwamko wa Kiislamu na mwishowe kulidhibiti kikamilifu eneo la
Mashariki ya Kati.
Waziri wa Ulinzi wa Iran ameyasema hayo leo hapa Tehran katika
mazungumzo yake na Fahd Jasim al Furayj, Waziri wa Ulinzi wa Syria
aliyeko ziarani nchini Iran.
Brigedia Jenerali Hussein Dehqan amepongeza muqawama na mapambano ya
wananchi na vikosi shupavu vya jeshi la Syria dhidi ya magaidi na
vibaraka kutoka nchi mbalimbali duniani na kuongeza kuwa: Kuendelezwa
muqawama huo kusambaratishaa makundi ya kitakfiri na kigaidi.
Kwa upande wake Waziri wa Ulinzi wa Syria Meja Jenerali Fahd Jassem
al-Freij amewapongeza wananchi na serikali ya Iran kwa kuwaunga mkono
wananchi na serikali ya Syria katika mapambano yao dhidi ya magaidi na
kueleza kuwa: Wananchi wa Syria kamwe hawatasahau msaada na uungaji
mkono wa wananchi na serikali ya Iran. Waziri wa Ulinzi wa Syria amesema
kuwa Iran ya Kiislamu ni mhimili na msingi mkuu wa mapambano na
kuongeza kuwa, ushindi huu mkubwa usingepatikana iwapo kusingekuwepo
uungaji mkono wa Jamhuri ya Kiislamu ya Iran
Msemaji wa Wizara ya Mambo ya Nje ya Jamhuri ya Kiislamu ya Iran
ametaka kusimamishwa haraka mashambulizi ya Saudi Arabia dhidi ya raia
wa Yemen. Marzieh Afkham amesema anataraji kuwa Ismail Sheikh Ould
Ahmad, mjumbe mpya wa Katibu Mkuu wa Umoja wa Mataifa katika masuala ya
Yemen atachukua hatua za maana ili kusitisha mashambulizi ya kijeshi ya
Saudi Arabia dhidi ya watu wasio na hatia wa Yemen. Bi Afkham ameongeza
kuwa kuna udharura wa kuzuia hali ya mambo ya Yemen isiwe mbaya zaidi,
kama hatua muhimu ya kuutafutia ufumbuzi mgogoro wa nchi hiyo.
Kuhusu kuanza kazi mjumbe mpya wa Katibu Mkuu wa Umoja wa Mataifa
katika masuala ya Yemen, Msemaji wa Wizara ya Mambo ya Nje ya Iran
amesema: Jamhuri ya Kiislamu ya Iran inataraji kuwa Ismail Sheikh Ould
Ahmad atachukua hatua za maana ili kusimamisha mashambulizi ya kijeshi
ya Saudi Arabia na kuanza haraka mazungumzo kati ya makundi na vyama
vyote vya nchi hiyo. Msemaji wa Wizara ya Mambo ya Nje ya Iran amesema
kuwa mashambulizi ya kijeshi ya Saudia huko Yemen ni kosa kubwa na
mahesabu mabaya na kwamba Jamhuri ya Kiislamu ya Iran inaamini kuwa
mgogoro wa Yemen unapaswa kupatiwa ufumbuzi kwa njia za kisiasa na kwa
kufanyika mazungumzo ya makundi yote ya Wayemeni ili kuasisi serikali ya
umoja wa kitaifa.
Waziri wa Mambo ya Nje wa Palestina amekaribisha ripoti ya Umoja
wa Mataifa iliyoshutumu mashambulizi ya utawala wa Kizayuni wa Israel
katika shule ya umoja huo katika eneo la Ukanda wa Ghaza.
Waziri wa mambo ya Nje wa Palestina Riyadh al Maliki Jumanne hii
amekaribisha ripoti hiyo ya Umoja wa Mataifa iliyolaani mashambulizi ya
Israel dhidi ya shule inayosimamiwa na Umoja wa Mataifa huko Ukanda
Ghaza wakati wa mashambulizi ya siku 50 yaliyoanzishwa na Israel katika
msimu wa joto mwaka uliopita na kusema kuwa, kopi ya ripoti hiyo
itawasilishwa kwa Mahakama ya Kimataifa ya Jinai (ICC) kwa ajili ya
uchunguzi.
Riyadh al Maliki ameongeza kuwa, ripoti ya Umoja wa Mataifa
iliyoshutumu mashambulizi ya mwaka jana ya utawala wa Kizayuni wa Israel
katika shule ya UN huko Ghaza, inahusiana na uchunguzi wa awali ambao
tayari umeanza katika mahakama ya ICC na kwamba ripoti hiyo itasaidia
sana kupata matokeo. Waziri wa Mambo ya Nje wa Palestina amesisitiza
ulazima wa kufanywa uchunguzi rasmi kuhusu mashambulizi ya utawala wa
Kizayuni wa Israel huko Ghaza na mauaji yaliyofanywa na utawala huo
mtenda jinai dhidi ya raia wa Palestina wasio na hatia wa eneo hilo.
Maelfu ya wapealestina waliuawa na wengine wengi kujeruhiwa katika mashambulizi hayo ya Israel
Idadi ya watu ambao wamethibitishwa
kuaga dunia wakati kulipotokea tetemeko kubwa la ardhi nchini Nepal siku
ya Jumamosi imepanda hadi zaidi ya watu 5000.
Utawala unasema kuwa zaidi ya watu 10,000 walijeruhiwa. Serikali ya Nepal inasema kuwa imelemewa na kiwango cha janga hilo.
Waziri
mkuu Sushil Koirala anasema kuwa utawala unapokea maombi mengi ya
kutaka msaada kutoka maeneo ya mbali ya vijiji vya Himalaya, lakini
jitihada za kuyafikia maeneo hayo zinatatizwa na uhaba wa vifaa na
waokoaji.
Waziri huyo mkuu anasema kuwa kuna mahitaji ya dharura
ya mahema , chakula na maji. Mwandishi wa BBC aliye kwenye kijiji kuliko
kitovu cha tetemeko hilo, anasema kuwa zaidi ya nusu ya nyumba katika
kijiji hicho zimeharibiwa.
Maandamano yanaendelea kwenye mji
mkuu wa Burundi Bujumbura kwa siku ya tatu kupinga uamuzi wa rais Pierre
Nkurunziza wa kuwania muhula wa tatu.
Watu wanachoma magurudumu ya magari na kuweka vizuizi huku nao polisi wakirusha vitoa machozi.
Maandamano
hayo kwa mara ya kwanza, yamesambaa kwenda nje ya mji mkuu. Polisi
wamezuia wanafunzi wa chuo kikuu kwenye mji ulio kati kati mwa nchi wa
Gitega waliojaribu kuandamana kwenda mjini.
Umoja wa Mataifa
unasema kuwa karibu watu 25,000 wamekimbia nchi hiyo ndani ya majuma
mawili yaliyopita, wakihofia kuongezeka kwa ghasia kabla ya uchaguzi
mkuu unaokuja
Waliokuwa wakimbizi wa Burundi
nchini Tanzania zaidi ya 152,572 walioingia nchini humo tangu mwaka
1972, wamekabidhiwa vyeti vya uraia wa Tanzania na kuwa huru kuishi kama
Watanzania wengine.
Wakimbizi hao walikuwa wameomba uraia wa
Tanzania mwaka 2008 na kupewa na waziri wa mambo ya ndani mwaka 2010,
sasa ni halali kuchagua na kuchaguliwa katika nafasi mbalimbali za
uongozi zikiwemo za udiwani na ubunge.
Akizungumza wakati wa
ugawaji wa vyeti hivyo, mkuu wa makazi ya Mishamo, Frederick Nisajile
alisema ugawaji wa vyeti hivyo ulianza Novemba 24 mwaka 2014 katika
makazi ya Katumba mkoani Katavi magharibi mwa Tanzania ambako watu
56,554 walipewa vyeti vya uraia na baadaye kuhamia katika makazi ya
Ulyankulu mkoani Tabora, magharibi mwa Tanzania ambako wakimbizi 43,453
tayari wamepewa vyeti hivyo.
Kwa upande wake msemaji wa wizara ya
mambo ya ndani, Isaack Nantanga amesema hatua ya Tanzania kuwapa uraia
wakimbizi hao ni kutokana na hiyari yao na kwamba serikali ya Tanzania
ilishauriana na Burundi na hatimaye kukubaliana wapatiwe uraia wanaotaka
wa kuwa Watanzania.
Hata hivyo si mara ya kwanza kwaTanzaniakutoa
uraia kwa wakimbizi wanaoishi Tanzania kwa muda mrefu. Tanzania
imefanya hivyo kwa wakimbizi wa Burundi na Somalia ambao wameishi
Tanzania kwa miaka mingi.
Polisi ya Burundi leo imemkamata kinara wa wanaharakati wa
kutetea haki za bininadamu nchiniu humo, Pierre-Claver Mbonimpa,
kufuatia machafuko na maandamano yanayoendelea nchini humo kupinga
uamuzi wa Rais Pierre Nkurunziza wa kogombea kiti cha rais kwa mara ya
tatu. Vilevile vyombo vya usalama vya Burundi vimetoa waranti wa
kutiwa nguvuni Vital Nshimirimana ambaye ndiye anayeongoza kampeni ya
kumzuia Mkurunzinza asiwania tena urais kwa awamu ya tatu. Wakili wa
Mbonimpa, Armel Niyongere, amesema mteja wake hakuelezwa tuhuma
zinazomkabili na kwamba anaamini amekamatwa kutokana na kuwataka
wananchi washiriki kwenye maandamano ya leo. Walioshuhudia wamesema
polisi walimpiga makofi na mateke mwanaharakati huyo. Ghasia na
machafuko yameendelea leo nchini Burundi huku wananchi wakiandamana
kupinga uamuzi wa chama tawala cha CNDD-FDD wa kumuidhinisha Mkurunziza
kuwania tena kiti cha rais. Mkuu wa Shirika la Kimataifa la Msalaba
Mwekundu nchini Burundi Alexis Manirakiza amesema watu 6 waliuawa katika
machafuko ya jana mjini Bujumbura.
Kamisheni Kuu ya Uchaguzi nchini Sudan imetangaza kuwa Rais wa
sasa wa nchi hiyo Omar al Bashir ameshinda tena kiti cha rais kwa kupata
asilimia 94 ya kura za uchaguzi uliofanyika mwezi huu. Taarifa ya
kamisheni hiyo pia imesema chama tawala cha Congresi ya Taifa kimeshinda
uchaguzi wa Bunge kwa kupata viti 323 kati ya viti vyote 426. Mkuu wa
Kamisheni ya Uchaguzi ya Sudan, Mokhtar al-Assam amesema asilimia 46.4
ya watu karibu milioni 13 waliojiandikisha ilishiriki katika zoezi hilo
lililofanyika kwa siku nne kuanzia Aprili 13. Al Bashir mwenye umri
wa miaka 71 amepata kura milioni 5 lakini mbili elfu 52 na 478 kati ya
kura zote sahihi milioni 5, 584 elfu na 863. Mpinzani wake wa karibu
katika uchaguzi huo, Fadhl Assayyid Shuaib amepata asilimia 1.43 ya
kura. Al Bashir ambaye ameiongoza Sudan kwa kipindi cha miaka 25
anasakwa na Mahakama ya Kimataifa ya Jinai (ICC) kwa tuhuma za kutenda
jinai za kivita katika jimbo la Darfur.
Katibu Mkuu wa Umoja wa Mataifa amepinga hatua yoyote ya kutumia
nguvu za jeshi katika suala na wahajiri haramu wanaoelekea Ulaya kupitia
Libya na Bahari ya Mediterranean. Ban Ki-moon amesema utumiaji wa
mabavu hauwezi kutatua mgogoro wa maafa ya wahamiaji haramu katika
Bahari ya Mediterranean. Amesema kuna udharura wa kuanzishwa mpango
kamili na wa kisheria kwa ajili ya wahajiri hao kwa kutilia maanani
usalama na haki za wahajiri. Mwishoni mwa kikao chake cha Alkhamisi
iliyopita kilichojadili suala la kughariki wahajiri 900 katika Bahari ya
Mediterranean, Umoja wa Ulaya umeazimia kuchukua hatua kali za kuzuia
maafa hayo ikiwa ni pamoja na kuzisaka boti na meli zinazowapakia na
kuziharibu. Vilevile kulizungumziwa suala la kutumia nguvu za jeshi
kukabiliana na magenge yanayotorosha watu kuelekea Ulaya kupitia bahari
hiyo.
Kamanda wa Jeshi la Walinzi wa Mapinduzi ya Kiislamu ya Iran
SEPAH, Mohammad Ali Jafari amesema kuwa, mashambulizi ya utawala wa
Saudi Arabia nchini Yemen yameuweka utawala huo mahala ulipofikia
utawala wa Kizayuni wa Israel na kusisitiza kuwa, uongozi wa Aal Saud
unaelekea kuanguka na kusambaratika kabisa. Kamanda Jafar ameyasema
hayo leo katika tamasha ya sita ya elimu ya tiba ya Jeshi la Walinzi wa
Mapinduzi ya Kiislamu ya Iran yaliyopewa jina la 'Baqirul-Ulum' na
kuongeza kuwa, mashambulizi hayo ya Saudia yamevuka mipaka yote ya
Kiislamu kwa kuwa yanatekelezwa dhidi ya nchi ya Waislamu ambayo
inafanya juhudi za kuwa huru. Amesisitiza kuwa, hatua ya utawala wa Aal
Saudi kuwasaliti Waislamu kwa kutekeleza matakwa ya utawala wa Kizayuni,
itaufanya usambaratike hivi karibuni. Kamanda wa jeshi la SEPAH amesema
kuwa, umefika wakati wa kutouonea tena haya utawala huo kwa maovu yake
nchini Yemen dhidi ya watu wasio na ulinzi. Meli na ndege za kivita
za Saudia zimeendeleza mashambulizi kwa wiki ya nne sasa nchini Yemen
kuua idadi kubwa ya watu na wengine wengi kujeruhiwa. Leo ndege hizo
zimeshambulia kambi ya jeshi mjini Sana'a sanjari na kuyalenga maeneo
tofauti ya nchi hiyo yakiwemo makazi ya raia.
Huku ndege za kivita za utawala wa Aal Saudi zikiendeleza
mashambulizi yake ya kichokozi nchini Yemen, leo maelfu ya raia wa nchi
hiyo wamemiminika mabarabarani mjini Sana'a wakilaani mwendelezo wa
hujuma hiyo ya Saudia. Maandamano hayo yaliyowashirikisha viongozi wa
asasi mbalimbali nchini Yemen, yamepewa anwani ya 'Tuko Pamoja Kupinga
Uadui wa Saudia na Marekani.' Viongozi mbalimbali wametoa hotuba kali
dhidi ya utawala wa Aal- Saud na kusisitiza kuwa, Wayemen pekee ndio
watakaainisha mustakbali wa taifa lao kinyume na mashinikizo ya Riyadh.
Waandamanaji hao pia wamepinga aina yoyote ya mazungumzo au mapatano na
Saudia chini ya anga ya mashambulizi. Hayo yanajiri huku idadi ya
wahanga waliouawa kutokana na mashambulizi hayo ikipindukia 3512 na
zaidi ya wengine 6000 kujeruhiwa. Kwa mujibu wa Taasisi ya Kutetea Haki
za Binaadamu nchini Yemen, watoto 492 na wanawake 209, ni miongoni mwa
watu waliouawa katika mashambulizi hayo ya kikatili ya Saudia na
waitifaki wake. Ripoti hiyo imesema maelfu ya nyumba za raia pia
zimeharibiwa katika mashambulizi ya kinyama ya Suadi Arabia
Idadi ya watu waliopoteza maisha katika tetemeko la ardhi nchini
Nepal imeongeza na kufikia 3800, kwa mujibu wa ripoti iliyotolewa na
Wizara ya Mambo ya Ndani ya nchi hiyo. Wizara hiyo imetangaza kuwa,
zaidi ya watu 7000 wamejeruhiwa na wengi wao wako katika hali mahututi.
Rameshwor Dangal, mkuu wa Idara ya Kupambana na Majanga iliyo chini ya
Wizara ya Mambo ya Ndani ya Nepal, amethibitisha habari hiyo na kuongeza
kuwa, watu wengine 90 kati ya wahanga hao, walipoteza maisha nchi
jirani hususan, China na India ambazo nazo zilikumbwa na mtetemeko huo.
Tetemeko la ardhi lililotokea juzi nchini Nepal lilikuwa na ukubwa wa
7,8 kwa kipimo cha rishta, na halijawahi kushuhudiwa nchini humo kwa
kipindi cha miongo minane iliyopita. Tetemeko hilo lilisababisha pia
kuporomoka theluji ya mlima Everest na kuua watu wanamichezo 18 wa skii. Tayari
Rais Hassan Rouhani wa Jamhuri ya Kiislamu ya Iran ametuma salamu za
rambirambi kwa Rais wa Nepal, Ram Baran Yadav kutokana na maafa hayo
Nchi ya Nigeria imewaita mabalozi
wake waishio nchini Afrika Kusini warejee nyumbani kufuatia mashambulizi
ya kibaguzi dhidi ya wenyeji .
Mpaka sasa watu saba wameshapoteza
uhai kufuatia mashambulizi hayo, yaliyoanza wiki tatu zilizo pita.mali
zimeharibiwa vibaya na mashambulizi hayo yamizusha hofu kubwa miongoni
mwa raia wa kigeni .
Balozi wa Nigeria mjini Pretoria,mji wa kibiashara na kwingineko wanatarajiwa kurejea Nigeria kwa ushauri zaidi .
Taarifa
hiyo ilitolewa mwishoni mwa wiki ilieleza wazi baadhi ya waafrika
kusini walia andaa maandamano ya Amani na shutuma za Jacob Zuma kulaani
mashambulio hayo na kama ambavyo alifanya mfalme Zulu King Goodwill
Zwelithini, ambaye anashutumiwa kuwa maoni yake ndiyo chanzo cha vurugu
hizo.
Wabunge nchini Nigeria wameitaka serikali ya Afrika Kusini
kulipa uharibifu uliotokea na kikundi cha kutetea haki cha Nigeria
kimesha peleka malalamiko yake katika mahakama ya uhalifu wa kivita ICC. Mwishoni
kwa wiki iliyopita,katika taarifa iliyotolewa nchini Afrika
Kusini,kutoka katika kitengo kinachoshughulikia mahusiano ya kimataifa
na ushirika kimerusha lawama zake kwa serikali ya Nigeria kwa hatua
waliyoichukua na kuielezea kama isiyo bahati na ya kusikitisha
Katika
utetezi wake serikali ya Afrika Kusini imesema kwamba hatua ya
mashirika ya kiraia kulaani na kukemea mashambulizi hayo na kutoa wito
wa kusitishw akwa mashambulio dhidi ya wageni kutokana na hayo
utekelezaji, utulivu wa kijamaa na utaratibu na amri ilitolewa .
Kipekee,wizara
ya mambo ya mambo ya nje ya Liberia katika taarifa iliyotolewa Jumapili
pamoja na mambo mengine, imeipongeza Afrika Kusini kwa kuadhimisha
miaka kadhaa leo April 27 tangu kuondolewa kwa ubaguzi wa rangi nchini
humo na uchaguzi wa kidemokrasia uliofanyika nchini humo mnamo mwaka
1994,wizara hiyo imezungumzia hali ngumu nchi hiyo iliyokuwa inapitia
,katika taarifa hiyo Rais Ellen Johnson Sirleaf, mshindi wa tuzo ya
Amani,alisema kwamba alikuwa akiiombea nchi hiyo kupata ujasiri na nguvu
ya pamoja kwa umuhimu mkubwa iweze kuongoza watu wake katika maamuzi
sahihi katika harakati za kutaka kuufunga ukurasa wa kiza uliokuwa
ukiiandama nchi hiyo dhidi ya raia wa kigeni.
Shirika la Kutetea Haki za Binadamu(HRW) limekosoa mamlaka
husika za Misri kwa kuendesha kesi isiyo ya kiadilifu na chuki kwa Rais
wa nchi hiyo aliyepinduliwa na jeshi, likisema kuwa upande wa uendeshaji
wa mashtaka uligubikwa na dosari. Taarifa iliyotolewa Jumapili hii na
Human Rights Watch imeeleza kuwa kesi ya Mohamed Morsi iligubikwa na
mchakato wa ukengeukaji wa kanuni, chuki na ukosefu wa ushahidi wenye
kuthibitisha. Taarifa ya Shirika la Kutetea Haki za Binadamu imeongeza
kuwa, upande wa mashtaka ulitegemea sana ushahidi uliotolewa na maafisa
wa kijeshi na polisi na kwamba kesi hiyo dhidi ya Mursi ilichochewa
kisiasa dhidi ya harakati ya Ikhwanul Muslimin ya Misri. Sarah Leah
Whitson Mkurugenzi Mkuu wa Human Rights Watch katika eneo la Mashariki
ya Kati na Kaskazini mwa Afrika amesema kuwa Mursi alitajwa kuhusika
katika kesi kwa sababu tu ya uhusiano kati yake na harakati ya Ikhwanul
Muslimin. Bi Whitson amewatuhumu waendesha mashtaka waliomhukumu Mursi
katika kesi ya hivi karibuni kuwa walipuuza vifo vya wafuasi wa Ikhwanul
Muslimin katika ghasia za mwaka 2012 na kutojali kushindwa vikosi vya
usalama kuchukua hatua wakati wa ghasia hizo
Waziri wa Mambo ya Nje wa Iran amesisitiza kuwa, kwa mtazamo wa
Iran, serikali ya Marekani ndiye inayopasa kutekeleza makubaliano ya
nyuklia na kwamba hitilafu za ndani za nchi hiyo haziizuii nchi hiyo
kutotekeleza ahadi na makubaliano yake ya kimataifa. Muhammad Javad
Zarif amesema kuhusiana na baadhi ya makelele yaliyozushwa ndani ya
Congresi ya Marekani na mivutano kati ya vyama viwili vya nchi hiyo
kuhusu makubaliano ya nyuklia na Iran na kueleza kuwa: Iran inaitambua
serikali ya Marekani kuwa ndiyo inayopasa kutekeleza makubaliano na
kwamba matatizo na mivutano ya ndani ya Marekani haiihusu Iran wala
suala la utekelezaji wa makubaliano hayo. Amesema kwa mujibu wa sheria
za kimataifa, matatizo ya ndani ya nchi, hayatoi kisingizio kwa nchi
hizo kutotekeleza makubaliano yake ya kimataifa.
Waziri wa Mambo ya Nje wa Iran ameyasema hayo jana alasiri kwa wakati wa New York Marekani.
Muhammad Javad Zarif amelitaja lengo kuu la safari yake huko New York
kuwa ni kwa ajili ya kushiriki katika mkutano wa kuangalia upya mkataba
wa NPT
Rais Vladmir Putin wa Russia ameituhumu Washington kuwa inatoa
msaada wa kilojistiki wa moja kwa moja kwa wanamgambo wa Qafqazi ya
Kaskazini. Putin amesema Jumapili hii katika televisheni ya Rossiya 1
kuwa, vyombo vya kiitelijinsia vya Russia vimepata ushahidi unaoashiria
msaada uliokuwa ukitolewa na Marekani kwa wanamgambo wa Qafqazi ya
Kaskazini mwanzoni mwa mwaka 2000. Rais Vladmir Putin wa Russia
amebainisha hayo Jumapili hii katika filamu iliyopewa jina la "Rais" kwa
mnasaba wa kuadhimisha miaka 15 tangu awe Rais wa nchi kwa mara ya
kwanza. Rais Putin amesema alimtaarifu Rais wa Marekani wa wakati huo
kuhusu hatua za uingiliaji kati za Washington, na kisha Rais wa Marekani
alimjibu kwa kusema, atasitisha misaada ya nchi yake kwa waasi hao wa
Qafqazi ya Kaskazini. Hata hivyo baada ya siku 10, wakuu wa shirika la
ujasusi la Russia FSB walipokea barua kutoka kwa wenzao wa Washington
wakisema kuwa, wamekuwa na wataendelea kuwa na mahusiano na makundi ya
upinzani ya Russia; na kwamba wanaona wana haki ya kufanya hivyo, na
wataendelea kufanya hivyo hata katika siku za usoni.
Watu wanne wameuawa katika mashambulio ya anga ya utawala wa
Kizayuni wa Israel kwenye miinuko ya Golan inayokaliwa kwa mabavu na
utawala huo, karibu na mpaka wa Syria. Wahanga wa mashambulio hayo ya
Israel ya jana usiku yaliyotekelezwa karibu na mji wa Majdal Shas, bado
hawajatambuliwa hadi sasa. Israel imefanya shambulio hilo jana usiku
kwenye miinuko ya Golan, siku mbili baada ya utawala huo kuzishambulia
kambi za jeshi la Syria huko katika eneo Qalamoun karibu na mpaka wa
nchi hiyo na Lebanon. Miinuko ya Golan imekuwa ikikaliwa kwa mabavu na
utawala wa Kizayuni wa Israel tangu muongo wa 60. Utawala wa Tel Aviv
uliikalia kwa mabavu ardhi ya miinuko ya Golan yenye ukubwa wa kilomita
1200 wakati wa Vita vya Siku Sita mnamo mwaka 1967na kisha kulitwaa eneo
hilo mwaka 1981
Rais wa zamani wa Tunisia amesema kuwa malengo ya Mapinduzi ya
Januari 14 2011 hayajafikiwa nchini humo.Monsif al Marzouq Rais wa
zamani wa Tunisia amesema kuwa tunapasa kukiri kuwa malengo na matakwa
ya wananchi wa Tunisia kutokana na Mapinduzi ya mwezi Januari mwaka 2011
hayajafikiwa, kutokana na mapinduzi yaliyojiri dhidi ya mapambano hayo
ya ukombozi. Al Marzouq ameashiria hali ya kiuchumi isiyoridhisha ya
Tunisia kutokana na uchumi wa nchi kuwa tegemezi na kueleza kuwa,
Tunisia imeshindwa kuboresha misingi ya kidemokrasia ya amani nchini na
hadi sasa haijaweza kukomesha machafuko katika jamii kwa kuwaandalia
wananchi mazingira mazuri na salama.
Ndege za kivita za Saudi Arabia jana usiku kwa mara nyingine tena
zimeyashambulia maeneo mbalimbali ya mji mkuu wa Yemen Sana'a. Ndege za
kivita za Saudi Arabia jana usiku zililishambulia kwa mara kadhaa eneo
la al al-Urqub Khulan huko katika mji mkuu Sana'a. Saudi Arabia wiki
iliyopita ilitangaza kuwa imesitisha mashambulizi yake ya siku 27 huko
Yemen baada ya kuuwa raia wasio na hatia wa Yemen zaidi ya elfu tatu
wengi wakiwa ni wanawake na watoto na kubomoa miundo mbinu ya nchi hiyo,
hata hivyo masaa mawili baada ya kutangaza kusitisha hujuma zake za
kijeshi katika nchi hiyo ya Kiarabu, ndege za utawala huo vamizi kwa
mara nyingine tena zilianza kuyashambulia maeneo ya raia na kubomoa
miundo mbinu ya Yemen.
Wakati huo huo habari kutoka Yemen zinarifu kuwa, makundi ya
wanamapinduzi wa nchi hiyo wamewataka wananchi kufanya maandamano
makubwa ya mshikamano hii leo kote nchini humo, ili kumpinga adui Saudi
Arabia.
Maelfu ya raia wa Nepal
wamelazimika kulala nje kwa siku ya pili mfulululizo huku barabara
zilizofungwa na athari za baada ya tetemeko zikipunguza kasi ya kuwaokoa
manusura.
Karibia watu 2400 wamefariki katika jenga hilo.
Makundi
ya misaada yamesema kuwa kuna uhaba wa na umeme na maji huku serikali
ikisema kuwa mahema zaidi na vitanda vya mda vinahitajika kwa haraka.
Mwandishi
wa BBC katika mji mkuu wa Kathmandu amesema mji uliojaa waathiriwa
umeibuka ambapo watu hao wanalala katika mifuko ya plastiki kwa kuwa
wanahofu ya kuishi ndani ya majumba yao.
Kiongozi Muadhamu wa Mapinduzi ya Kiislamu amesema kuwa, jeshi la
polisi ni dhihirisho la nguvu za utawala na usalama za Jamhuri ya
Kiislamu ya Iran. Ayatullahil Udhma Sayyid Ali Khamenei amesema hayo
leo Jumapili wakati alipoonana na washiriki wa kongamano la makamanda,
wakuu na wakurugenzi wa Jeshi la Polisi la Iran na kusisitiza kuwa,
miongoni mwa majukumu makuu ya polisi ni kudhamini usalama wa watu
binafsi, wa kijamii, wa kimaadili, wa kiroho na wa kisaikolojia katika
jamii. Ameongeza kuwa, jeshi la polisi linapaswa kuwa chombo chenye
nguvu ili liweze kulinda usalama lakini nguvu hizo zinapaswa kuchunga
uadilifu, murua na huruma. Aidha amesema, vituko vinavyofanywa
barabarani na baadhi ya vijana waliolewa ghururi za utajiri kwa kutumia
magari ya kifakhari ni aina moja ya kuhatarisha usalama wa kisaikolojia
katika jamii na kusisitiza kuwa: Jeshi la Polisi linapaswa kupambana na
vitendo vya aina zote vya kuhatarisha amani. Ayatullahil Udhma
Khamenei amesisitiza pia kuwa Iran haitaki kuwa na nguvu za jeshi la
ki-Hollywood na za jamii za Magharibi na Marekani na kubainisha kwamba:
Nguvu za aina hiyo si tu kwamba haziwezi kudhamini usalama, bali zenyewe
ni aina moja ya mambo yanayohatarisha usalama. Kiongozi Muadhamu wa
Mapinduzi ya Kiislamu amegusia pia namna polisi wa Marekani
wanavyowakandamiza watu weusi nchini humo na kusema kuwa, huo ni moja ya
mifano ya nguvu za kidhulma za polisi. Ameongeza kuwa: Polisi wa
Marekani wanawafanyia dhulma kubwa na kuwanyanyasa vibaya watu weusi
licha ya kwamba rais wa hivi sasa wa nchi hiyo ni mtu mweusi, na vitendo
hivyo bila ya shaka yoyote ndivyo vinavyopelekea kuzuka machafuko
nchini humo
Raia wawili wa Burundi wameuawa kwa kupigwa risasi na polisi
katika machafuko yaliyotokea leo huko Bujumbura mji mkuu wa Burundi.
Machafuko hayo ya leo yametokea katika maeneo mengi ya mji mkuu
Bujumbura, wakati watu walipoandama kupinga hatua ya Rais Pierre
Nkurunziza wa nchi hiyo ya kuamua kugombea urais kwa muhula mwingine wa
tatu. Watu walioshuhudia wameongeza kuwa mmoja wa waandamanaji katika
machafuko ya leo huko Bujumbura ameuawa katika wilaya ya Ngagara na
mwingine katika wilaya ya Musaga huko huko Bujumbura. Habari zinasema
kuwa polisi wa Burundi walitumia silaha za moto, gesi ya kutoa machozi
na maji ya kuwasha ili kuwatawanya waandamanaji. Leonce Ngendakumana
Kiongozi wa upinzani kutoka chama cha Frodebu amesema kuwa, wameitisha
maandamano ya amani, hata hivyo polisi na wanamgambo wa chama tawala cha
Burundi wamewafyatulia risasi hai waandamanaji
Shirika la Msamaha Duniani (Amnesty International) limetaka
kupanuliwa oparesheni za kuwatafuta na kuwaokoa wahajiri wanaolekea
barani Ulaya kutokana na kusafiri katika mazingira hatari katika bahari
ya Mediterranean. Gauri van Gulik, Naibu Meneja wa shirika hilo la haki
za binadamu barani Ulaya amesema kuwa operesheni za uokoaji zinapaswa
kupanuliwa hadi kwenye maeneo ya karibu na pwani za Libya. Amesema
wahajiri mara kwa mara wamekuwa wakitumia boti kuukuu ili kujaribu
kufikia pwani za nchi za Ulaya na kwamba polisi wa doria wamekuwa
wakikagua maeneo ya karibu na mipaka ya Italia pekee. Naibu Meneja wa
Amnesty International barani Ulaya amesema hayo kufuatia ajali ya boti
ya hivi karibuni katika bahari ya Mediterranean iliyouwa watu 800.
Tarehe 16 mwezi huu msemaji wa Shirika la Kuhudumia Wakimbizi la Umoja
wa Mataifa (UNHCR) alithibitisha kuwa watu 800 walikufa maji kufuatia
ajali ya boti katika bahari hiyo. Boti hiyo ilizama katika umbali wa
kilomita 96 kutoka pwani ya Libya wakati ilipokuwa inaelekea Italia
Watu wasioungua watatu wamejeruhiwa katika mripuko wa bomu la
kutegwa kwenye gari uliotokea leo katika kitongoji cha Givatayim huko
Tel Aviv. Mripuko huo wa bomu umewajeruhi watu watatu huku mmoja akiwa
na hali mbaya. Mripuko huo wa bomu la kutegwa garini umetokea leo huko
Tel Aviv, siku moja baada ya maafisa wanne wa polisi wa Israel
kujeruhiwa kwa kugongwa na gari katika mji wa Quds. Matukio hayo yote
yamejiri huku hali ya wasiwasi ikitanda kufuatia kuuliwa kijana wa
Kipalestina katika kivuko cha upekuzi cha jeshi la Israel katika mji wa
Quds. Wapalestina kadhaa walijeruhiwa pia katika ghasia zilizotokea kati
yao na wanajeshi wa Israel huko Quds Mashariki. Ripoti zimeeleza
kuwa, wanajeshi wa utawala wa Kizayuni wa Israel juzi usiku
walimfyatulia risasi kijana wa Kipalestina aliyekuwa na umri wa miaka 16
wakati alipokuwa akielekea katika kituo hicho cha upekuzi akiwa pamoja
na familia yake. Wanajeshi wa Israel walidai kuwa Mpalestina huyo eti
alikusudia kumdhuru afisa wa Israel.
Habari kutoka nchini Syria zinasema kuwa mapigano baina ya
makundi ya kigaidi yamepamba moto nchini humo. Mtandao wa habari wa an
Nashrah wa nchini Lebanon umetangaza kuwa, leo Jumapili, wanamgambo wa
kundi la kigaidi la Daesh wametwangana na makundi mengine kadhaa ya
kigaidi katika mji wa Mari' mkoani Halab, kaskazini mwa Syria. Kwa
mujibu wa mtandao huo makumi ya magaidi wameuawa kwenye mapigano hayo.
Wakati huo huo jeshi la Syria leo limeendeleza operesheni zake za
kukomboa maeneo mbalimbali kutokana mikononi mwa makundi ya kigaidi
yakiwemo maeneo ya Jisrush Shughur huko Idlib, kaskazini magharibi mwa
Syria na kufanikiwa kuyasafisha kikamilifu maeneo hayo kutoka mikononi
mwa magaidi wanaoungwa mkono na madola ya kigeni na ya kibeberu kama
vile utawala wa Kizayuni wa Israel. Habari nyingine kutoka Syria
zinasema kuwa, leo Jumapili, kundi la kigaidi la Jabhatun Nusra limewaua
kwa umati wananchi 30 wa Syria katika eneo la Jisrush Shughur huko
Idlib, ikiwa ni kuendeleza jinai zake za kila leo dhidi ya wananchi wa
Syria
Naibu Waziri wa Mambo ya Nje wa Iran anayeshughulikia masuala ya
Kiarabu na Kiafrika ameilaumu Saudi Arabia kwa kuzuia misaada ya
kibinadamu ya Iran isiwafikie wananchi wa Yemen. Hussein Amir
Abdollahiyan amesema hayo leo na kuongeza kuwa, vitendo vya Saudia vya
kuizingira Yemen na kuzuia misaada ya kibinadamu ya Iran kuwafikia
wananchi wa nchi hiyo havitaachwa vipite vivi hivi. Ameongeza kuwa,
daima Jamhuri ya Kiislamu ya Iran imekuwa ikihimiza kutumiwa njia za
mazungumzo na kidiplomasia kutatua masuala mbalimbali hata hivyo
ametahadharisha kuwa, Iran inazingatia machaguo yote kwa ajili ya
kuwasaidia wananchi wa Yemen, kuwatumia misaada ya haraka ya kibinadamu
na kuchukua majeruhi wa nchi hiyo kwa ajili ya kuwatibu. Vile vile
amesema kuwa, Saudia haina haki ya kuwapangia cha kufanya watu wengine
na kuonya kuwa, uingiliaji wa kijeshi wa Saudia nchini Yemen ambao
umeshapelekea mamia ya watu kuuawa na maelfu ya wengine kujeruhiwa
sambamba na kuharibiwa miundombinu ya nchi hiyo ya Kiarabu, utapelekea
kuwa mkubwa zaidi mgogoro wa Yemen kwa madhara ya eneo hili zima kwani
hadi hivi sasa matokeo ya uvamizi huo si kitu kingine ghairi ya ukosefu
wa amani ndani ya Saudia kwenyewe na katika eneo hili lote kiujumla
Kumezuka ghasia katika mji wa
Bujumbura nchini Burundi kati ya maafisa wa polisi na waandamanaji
wanaoishtumu serikali kwa kufanya mapinduzi ya kikatiba.
Waandamanaji
walirusha mawe na kuchoma matairi huku maafisa wa polisi wakilazimika
kurusha vitoa machozi na risasi bandia hewani.
Ghasia hizo
zinafuatia tangazo siku ya jumamosi kwamba rais wa Burundi Pierre
Nkurunziza ameteuliwa na chama chake kuwania muhula wa tatu wa urais.
Upinzani
umeitaja hatua hiyo kama ukiukaji wa katiba,na kuonya kuwa huenda
ikaathiri makubuliano ya amani ambayo yalimaliza miaka kadhaa ya
mapigano ya kikabila.
Serikali imesema kuwa maandamano hayo si halali.
Maelfu
ya raia wa Burundi wamelitoroka taifa hilo katika majuma ya hivi
karibuni wakihofia kuongezeka kwa ghasia hizo huku taifa hilo
likijiandaa kwa uchaguzi mnamo mwezi Juni.
Kumeripotiwa tetemeko jingine lenye
nguvu nchini Nepal siku moja baada ya tetemeko kubwa lililosabaisha
vifo vya karibu watu 2000.
Watu walikimbia kwenda maeneo ya wazi
kwenye mji mkuu wa Kathmandu wakati kulipotokea tetemeko hilo la vipimo
vya 6.7 na kutikisa majengo.
Tetemeko hilo nalo lilisikika kaskazini mwa India na Bangaldesh na kusasababisha maporomoko ya theluji katika mlima wa Everest.
Ndege za misaada , madaktari na watoa misaada kutoka nchi jirani zimeanza kuwasili nchini Nepal.
Ndege kutoka India na China zimetua mjini Kathmandu kusaidia katika jitihada za uokozi.
Rais Jakaya Kikwete wa Jamhuri ya Muungano wa leo anawaongoza
Watanzania katika kuadhimisha miaka 51 ya kuzaliwa kwa Tanzania baada ya
kuunganisha nchi mbili huru za Tanganyika na Zanzibar. Muungano huu
umeasisiwa na mashujaa wa nchi hii ambao ni Mwalimu Julius Kambarage
Nyerere na Sheikh Abeid Aman Karume tarehe 26/4/1964. Muungano huo
ulifanyika baada ya nchi hizi mbili kujipatia uhuru wake ambapo
Tanganyika ilipata uhuru mwaka Desemba 1961 na Zanzibar Januari 1964.
Katika sherehe hizo Watanzania watashuhudia matukio kadhaa yakiwemo ya
kijeshi ambapo gwaride lililioandaliwa na vikosi mbalimbali vya ulinzi
na usalama litapita kwa mwendo wa taratibu na mwendo wa kasi pamoja na
ndege za kivika kupita huku zikionesha manjonjo yake katika kutoa
heshima kwa rais Kikwete Tanzania ambaye pia ni Amiri Jeshi Mkuu wa
Majeshi ya Ulinzi na Usalama. Mbali na hayo pia kutakuwa na halaiki ya
watoto wakionesha mambo mbalimbali yanayohusiana na sherehe hii ya leo.
Ndani ya miaka hiyo 51 mataifa hayo yamepiga hatua katika maendeleo
makubwa tofauti na wakati zinaungana. Maadhimisho ya mwaka huu
yatapambwa na Kauli Mbiu isemayo Miaka 51 ya Muungano, Tudumishe Amani
Na Umoja, Ipigie Kura ya Ndiyo Katiba inayopendekezwa na Kushiriki
Uchaguzi Mkuu
Mamilioni ya wananchi wa Benin leo wameeleka kwenye masanduku ya
kupigia kura kuwachagua wawakilishi wao katika bunge la nchi hiyo.
Kamisheni ya Uchaguzi ya Benin imetangaza kuwa Wabenin karibu milioni
4 wametimiza masharti ya kupiga kura na kwamba wabunge 83 watachaguliwa
moja kwa moja katika uchaguzi wa leo.
Umoja wa Afrika (AU) umetuma maafisa 40 kwa ajili ya kusimamia zoezi
hilo la uchaguzi, kuhesabiwa kura na utangazaji wa matokeo yake. Ujumbe
huo unaongozwa na rais wa zamani wa Mali.
Uchaguzi wa Bunge nchini Benin unafanyika siku chache tu baada ya
chaguzi za rais zilizofanyika kwa amani na utulivu katika nchi za Togo
na Nigeria, jambo ambalo limetajwa kuwa ni ishara ya kuimarika
demokrasia barani Afrika
Maelfu ya wakazi wa mji mkuu wa Burkina Faso, Ouagadougou, waliandamana jana kuunga mkono sheria mpya za uchaguzi.
Waandamanaji hao walipiga nara zinazounga mkono sheria mpya za
uchaguzi zilizopasishwa na Bunge tarehe 7 mwezi huu wa Aprili. Sheria
hizo mpya zinawazuia wanachama wa serikali iliyoondoka madarakani
kushiriki katika uchaguzi ujao.
Waziri wa Mambo ya Ndani wa Burkina Faso, Auguste Denise Barry
amesema kuwa serikali ya mpito ya nchi hiyo ina azma ya kukamilisha
kipindi cha mpito kwa mafanikio.
Kwa mujibu wa sheria mpya za uchaguzi za Burkina Faso, mbali na kambi
ya rais wa zamani wa nchi hiyo Blaise Compaoré, vyama vyote ambavyo
viliunga mkono mpango wa kiongozi huyo wa kubadili katiba ili kumruhusu
agombee tena kiti cha rais kwa zaidi ya mara mbili, vitazuiwa kushiriki
katika uchaguzi ujao. Blaise Compaoré alilazimika kung'atuka madarakani
Oktoba mwaka jana baada ya kushadidi wimbi la maandamano ya wananchi
waliokuwa wakipinga utawala wake
Wanachuo wa Kiislamu wa Chuo Kikuu cha Maryland nchini
Marekani wamepongeza na kukaribisha hatua ya kufutwa uamuzi wa kuoneshwa
filamu ya American Sniper.
Wanafunzi hao wamesema hiyo ni hatua nzuri ya kujenga
mazingira ya amani na ya kiadilifu katika chuo hicho. Uamuzi huo
ulichukuliwa baada ya malalamiko ya wanafunzi Waislamu wa Chuo Kikuu cha
Maryland. Wanafunzi hao wanasisitiza kuwa filamu hiyo inavunjia heshima
Uislamu na Waislamu na kueneza hisia za kuhujumu na kupiga vita
Uislamu. Taarifa iliyotolea na jumuiya ya Wanafunzi Waislamu wa Chuo
Kikuu cha Maryland imesema: Filamu hiyo inawadhihirisha Waislamu kuwa ni
hawana utu au kwamba ni watu wasiostaarabika na kueneza fikra ya mauaji
ya umati. Imesisitzia kuwa filamu ya ya American Sniper inawavunjia
heshima na kuwadunisha Waislamu kote duniani.
Waislamu katika vyuo vikuu vingine vya Marekani pia
wametaka kusimamishwa zoezi la kuoneshwa filamu hiyo na wamekuwa
wakitumia nyenzo mbalimbali kueleza malalamiko yao.
Filamu iliyotengenezwa Marekani ya American Sniper inaeleza
kisa cha Chris Kyle askari wa Marekani aliyetumwa mara kadhaa kupigana
nchini Iraq. Kyle ambaye aliuawa mwaka 2013 alikuwa mwanachama wa Jeshi
la Majini la Marekani ambaye anashikilia rekodi ya kuua watu 160 kati
ya walenga shabaha wa Kimarekani
Kikosi cha askari wa kulinda amani cha Umoja wa Mataifa katika
eneo la Darfur huko magharibi mwa Sudan (UNAMID) kimekanusha madai
yaliyotolewa na serikali ya Khartoum dhidi ya askari wa kikosi hicho.
UNAMID imekanusha madai kwamba askari wake waliua raia katika mji wa
Kaas huko kusini mwa Darfur na kusisitiza kuwa kikosi hicho kilijibu
mashambulizi katika hali ya kujihami.
Afisa mwandamizi wa UNAMID amesema si sahihi kuwatuhumu askari wa
kikosi cha kimataifa kwamba wameua raia na kwamba lengo la kutolewa
tuhuma kama hizo ni kupotosha fikra za waliowengi nchini Sudan.
Jana Jumamosi Gavana wa jimbo la Darfur ya Kusini nchini Sudan
aliwatuhumu askari wa vikosi vya kulinda amani vya Umoja wa Afrika na
Umoja wa Mataifa katika eneo la Darfur UNAMID kuwa wameua raia saba
wasio na hatia katika jimbo hilo. Gavana Adam Jarunnabiy alisema
kumeundwa tume maalumu ya kuchunguza mauaji ya raia hao
Rais Hassan Rouhani wa Jamhuri ya Kiislamu ya Iran ametuma salamu
za rambirambi kwa Rais wa Nepal kutokana na maafa yaliyosababishwa na
mtetemeko wa ardhi uliotokea jana nchini humo na kuua karibu watu elfu
mbili.
Ujumbe wa Rais Rouhani kwa mwenzake wa Nepal, Ram Baran Yadav umesema
Iran imesikitishwa na kuhuzunishwa sana na habari ya tetemeko la ardhi
na vifo vya idadi kubwa ya watu wa Nepal. Rais Rouhani ameongeza kuwa,
sambamba na kutoa salamu za rambirambi kwa rais, taifa la Nepal pamoja
na ndugu wa wahanga wa tetemeko hilo, anawatakia ahueni waliojeruhiwa na
kuwaombea dua njema.
Ripoti za hivi karibuni zinasema kuwa mtetemeko mkubwa wa ardhi
uliotokea jana karibu na mji mkuu wa Nepal, Kathmandu umeua watu
wasiopungua 1900.
Wakati huo huo Jumuiya ya Hilali Nyekundu ya Jamhuri ya Kiislamu ya
Iran imetangaza kuwa iko tayari kutuma misaada ya dharura kwa watu
walioathiriwa na mtetemeko wa jana nchini Nepal
Polisi nchini Israeli wanasema kuwa wamemuua kwa kumpiga risasi kijana
mmoja wa Kipalestina ambaye alikuwa na kisu kwenye kizuizi kimoja
mashariki mwa Jerusalem.
Wanasema kuwa kijana huyo mwenye umri wa
miaka 16 alijaribu kuwadunga kisu maafisa wa mpakani alipokuwa
akiwavamia maafisa hao na kisu mkononi.
Kisa hicho kilitokea mapema jumamosi karibu na kizuizi cha Al-Zaim
Polisi wa Isreali walichapisha mitandaoni picha na kisu ambacho kijana hiyo alikuwa nacho.
Chama kipya cha ACT-Wazalendo kinachoongozwa na Mbunge wa zamani wa
Jimbo la Kigoma Kaskazini, Kabwe Zitto, kimebadili jina lake la awali la
ACT-Tanzania.
Ofisi ya Msajili wa Vyama vya Siasa Nchini imekubali maombi ya chama
hicho huku ikiwataka kurudisha cheti cha usajili wa awali na kupewa
cheti kingine.
Awali ACTL-Wazalendo ilipata usajili kwa jina la ACT-Tanzania na baadae kuomba kulibadili jina hilo.
Kwa mujibu wa taarifa kutoka ofisi ya Msajili wa Vyama vya Siasa nchini,
Jaji Francis Mutungi, ameridhika na maelezo yaliyokuwa yametolewa na
uongozi wa chama hicho wa sababu za kuamua kubadili jina la chama hicho
kutoka ACT-Tanzania hadi ACT-Wazalendo.
Kwa mujibu wa taarifa zilizotolewa kwa vyombo vya habari jana jiijini
Dar es Salaam, Jaji Mutungu alijibu ombi hilo kwa njia ya barua.
Katika taarifa hiyo inaeleza: "Nikurejeshe kwenye barua yenye
kumbukumbua namba AC-HQ/MSJ/2015 ya Aprili 15, mwaka 2015 ikisomwa
sambamba na barua yangu yenye kumbukumbu namba HA.322/362/20/80 ya
Aprili 13, mwaka 2015 kuhusu suala tajwa hapo juu".
Jaji Mutungi alieleza kuwa, alisoma na kuyatafakari kwa kina maelezo
katika barua ya ACT-Wazalendo, na kwamba ameridhika na maelezo yao
kuhusu jina jipya la chama hicho kwa mujibu wa kanuni ya 7 ya kanuni za
usajili wa vyama vya siasa.
Mimi nikiwa Mwananchi na mkazi wa Ubungo makoka nakuomba mh zito uje ugombee jimbo la Ubungo kutokans na kero hizi:
1. Mbunge wangu ameshindwa kwa kipindi cha miaka mitano ameshindwa
kutatua matatizo ya maji. tunakaa mwezi mzima hatuna maji ni mateso
2. Barabara zetu mbovu hasa hii ya makoka Ubungo imefikia asubuhi
nawakataa RAIA kenye gari yangu kwani barabara ni makorongo tupu na
mbunge hatumuoni
3. Shule yetu ya kata hapa inashida nyingi mbunge kapotea wala kutembelea kutoa ushirikiano
4. Kuna shida ya daraja eneo la unyamwezini baadhi ya watu wamekufa mvua
zinaponyesha kwa kupita juu ya Bomba la dawasko na mbunge hatujapta
muona hata siku moja ni majanga
5. Vijana wengi wa Ubungo ajira hawana wanapanga vitu jioni kwenye
transfoma za umeme Ubungo mbumge ameshindwa kutoa njia mbadala ili
vijana wasikae maeneo hatarishi
6. Wananchi wa manzese wamesahau km wanambunge hajswahi tembelea ht ck
moja. mitaro imeziba nyumba zimejaa maji kipindi hiki cha mvua mbunge
wetu hana ht habari
Niishie HP kiukweli ninamengi sana mbunge wangu amefeli mtihani sizani tutampa tena nafasi.
Mh Zito njoo utuokoe sisi wakazi wa ubungo
Naibu Katibu Mkuu wa harakati ya
muqawama wa Kiislamu ya Lebanon Hizbullah amesema Saudi Arabia
itashindwa tu katika uvamizi wake dhidi ya Yemen. Sheikh Naeem Qasim,
ameongeza kuwa dunia leo inashuhudia kipigo cha kufedhehesha inachopata
Saudi Arabia; na licha ya mashinikizo yote, harakati ya wananchi ya
Ansarullah pamoja na jeshi la Yemen zinaendelea kudhibiti maeneo mengi
ya kaskazini na kusini mwa nchi hiyo. Naibu Katibu Mkuu wa Hizbullah
amesisitiza kuwa kadiri vita vikichukua muda mrefu zaidi ndivyo
kushindwa kwa Saudia kutavyozidi kudhihirika. Katika upande mwengine
ripoti kutoka Yemen zinaeleza kuwa majeruhi walioko kwenye mkoa wa
Sa’dah wako katika hali mbaya kutokana na kuzingirwa mkoa huo na
kushindwa misaada ya tiba kuwafikia watu hao. Muhammad Hajr, Mkurugenzi
Mkuu wa hospitali ya al Jamhuri mkoani Sa’dah amesema kuendelea
mashambulio ya ndege za kivita za Saudi Arabia na kushindwa kufika
misaada ya tiba kutokana na mzingiro kumezifanya hali za majeruhi katika
mkoa huo ziwe mbaya zaidi. Akiashiria kuendelea mashambulio ya ndege za
kivita za utawala wa Aal Saud dhidi ya taasisi muhimu na miundomsingi
ya Yemen, Muhammad Hajr ameziomba jumuiya za kimataifa kufanya jitihada
ili kuepusha kutokea maafa ya kibinadamu nchini humo. Wito huo umetolewa
katika hali ambayo kwa mara nyengine tena ndege za kivita za Saudia
jana zilizuia kuingia kwenye anga ya Yemen na kutua kwenye uwanja wa
ndege wa Sana’a ndege ya Jamhuri ya Kiislamu ya Iran iliyobeba misaada
ya kibinadamu na shehena za madawa na vyakula.
Katika medani za mapambano, ripoti
zinaeleza kuwa mkoa wa Ma’rib unadhibitiwa kikamilifu na harakati ya
Ansarullah. Duru moja ya kijeshi ya Yemen imetangaza kuwa baada ya
vikosi vya gadi ya Rais vyenye mfungamano na Rais wa zamani wa nchi hiyo
Ali Abdullah Saleh kujiunga na harakati ya wananchi ya Ansarullah, mkoa
wa Ma’rib ulioko katikati mwa nchi hiyo uko chini ya udhibiti kamili wa
harakati hiyo ya wananchi…
Naibu Katibu Mkuu wa harakati ya
muqawama wa Kiislamu ya Lebanon Hizbullah amesema Saudi Arabia
itashindwa tu katika uvamizi wake dhidi ya Yemen. Sheikh Naeem Qasim,
ameongeza kuwa dunia leo inashuhudia kipigo cha kufedhehesha inachopata
Saudi Arabia; na licha ya mashinikizo yote, harakati ya wananchi ya
Ansarullah pamoja na jeshi la Yemen zinaendelea kudhibiti maeneo mengi
ya kaskazini na kusini mwa nchi hiyo. Naibu Katibu Mkuu wa Hizbullah
amesisitiza kuwa kadiri vita vikichukua muda mrefu zaidi ndivyo
kushindwa kwa Saudia kutavyozidi kudhihirika. Katika upande mwengine
ripoti kutoka Yemen zinaeleza kuwa majeruhi walioko kwenye mkoa wa
Sa’dah wako katika hali mbaya kutokana na kuzingirwa mkoa huo na
kushindwa misaada ya tiba kuwafikia watu hao. Muhammad Hajr, Mkurugenzi
Mkuu wa hospitali ya al Jamhuri mkoani Sa’dah amesema kuendelea
mashambulio ya ndege za kivita za Saudi Arabia na kushindwa kufika
misaada ya tiba kutokana na mzingiro kumezifanya hali za majeruhi katika
mkoa huo ziwe mbaya zaidi. Akiashiria kuendelea mashambulio ya ndege za
kivita za utawala wa Aal Saud dhidi ya taasisi muhimu na miundomsingi
ya Yemen, Muhammad Hajr ameziomba jumuiya za kimataifa kufanya jitihada
ili kuepusha kutokea maafa ya kibinadamu nchini humo. Wito huo umetolewa
katika hali ambayo kwa mara nyengine tena ndege za kivita za Saudia
jana zilizuia kuingia kwenye anga ya Yemen na kutua kwenye uwanja wa
ndege wa Sana’a ndege ya Jamhuri ya Kiislamu ya Iran iliyobeba misaada
ya kibinadamu na shehena za madawa na vyakula.
Katika medani za mapambano, ripoti
zinaeleza kuwa mkoa wa Ma’rib unadhibitiwa kikamilifu na harakati ya
Ansarullah. Duru moja ya kijeshi ya Yemen imetangaza kuwa baada ya
vikosi vya gadi ya Rais vyenye mfungamano na Rais wa zamani wa nchi hiyo
Ali Abdullah Saleh kujiunga na harakati ya wananchi ya Ansarullah, mkoa
wa Ma’rib ulioko katikati mwa nchi hiyo uko chini ya udhibiti kamili wa
harakati hiyo ya wananchi…
Wanamgambo wa kundi la kigaidi na
kitakfiri la Boko Haram wamewalazimisha mamia ya askari wa Nigeria
kuukimbia mji wa mpakani wa Marte ulioko kwenye fukwe za Ziwa Chad. Kwa
mujibu wa Imamu Habeeb, ambaye ni kiongozi wa eneo hilo pamoja na
mashuhuda wa tukio hilo magaidi wa Boko wapatao 2,000 walichomoza
kutokea pande tofauti na kupambana na askari wa jeshi la Nigeria. Kwa
mujibu wa bwana Habeeb mapigano hayo yalizuka siku ya Alkhamisi usiku na
kuendelea hadi jana. Shehu Dan Baiwa, ambaye ni mmoja wa wanamgambo wa
kujitolea katika jimbo la Borno amesema idadi ya wapiganaji hao wa Boko
Haram ilikuwa zaidi ya elfu mbili wakiwa wamejizatiti kwa mabomu na
vifaru. Amesema wanamgambo hao walikuwa wakifyatua risasi ovyo na kuua
watu kadhaa. Hii ni mara ya tatu kwa kundi la kigaidi la Boko Haram
kuushikilia tena mji wa Marte katika jimbo la Borno ambalo ni kitovu cha
uasi wa kundi hilo unaoendelea kwa mwaka wa sita sasa na kusababisha
vifo vya watu 13,000 na wengine milioni moja na nusu kubaki bila
makaazi. Marte ulikuwa mmoja wa miji kadhaa iliyokombolewa na jeshi la
Nigeria katika wiki za hivi karibuni lililoanzisha operesheni maalumu
dhidi ya Boko Haram kwa msaada wa majeshi ya Chad, Cameroon na Niger.
Mwanasiasa mmoja wa mji wa Marte ambaye hakutaka jina lake litajwe
amethibitisha kushikiliwa tena mji huo na magaidi wa kundi la kitakfiri
la Boko Haram. “Tumepoteza watu wengi, kwa sababu baadhi ya watu wetu
waliokuwa wamekimbilia Chad walirudi baada ya askari wa Nigeria
kuukomboa mji hivi karibuni” ameeleza mwanasiasa huyo. Hata hivyo afisa
mmoja wa jeshi la Nigeria aliyethibitisha kutokea shambulio hilo la Boko
Haram katika mji wa Marte amekataa kusema kuwa mji huo umeshikiliwa
tena na kundi hilo na kueleza kwamba kuondoka kwa jeshi kumefanyika
katika sura ya mbinu na mkakati wa kivita…/
Gavana wa jimbo la Darfur ya Kusini
nchini Sudan amewatuhumu askari wa vikosi vya kulinda amani vya Umoja wa
Afrika na Umoja wa Mataifa katika eneo la Darfur UNAMID kuwa wameua
raia saba wasio na hatia katika jimbo hilo. Adam Jarunnabiy, amesema
askari wa UNAMID wamewaua kwa kuwapiga risasi raia saba wasio na ulinzi
katika eneo la Kaas jimboni humo. Ameongeza kuwa tayari tume ya
kuchunguza mauaji ya raia hao saba wa Sudan imeshaundwa. Kwa mujibu wa
gavana huyo wa Darfur ya Kusini, kundi la waasi lilipora gari moja la
vikosi vya kulinda amani vya UNAMID na kwamba wakati askari wa vikosi
hivyo waliopokuwa wakiwafukuza waasi hao waliwafyatulia risasi na kuwaua
raia ambao walikuwa hawahusiki kwa namna yoyote ile na tukio la wizi wa
gari hilo. Kumekuwepo na malalamiko mengi ya raia wa Sudan kuhusiana na
uwezo wa vikosi vya UNAMID katika kulinda amani na kudhamini usalama wa
raia hao kiasi cha kuifanya serikali ya Khartoum iutake Umoja wa Afrika
na Umoja wa Mataifa ziviondoe vikosi hivyo nchini humo. Darfur ya
Kusini ni moja ya majimbo matano yanayounda eneo la Darfur lililoko
magharibi mwa Sudan. Darfur ni eneo lenye utajiri mkubwa wa mafuta na
maliasili nyenginezo yakiwemo madini ya urani na dhahabu, suala ambalo
limesababisha kuzuka uasi wa utumiaji silaha ulioanza tangu mwaka 2003
na kuendelea hadi sasa…
Chama tawala nchini Burundi cha
CNDD-FDD leo kimemtangaza rasmi Rais Pierre Nkurunziza wa nchi hiyo kuwa
ndiye atakayepeperusha bendera ya chama hicho katika uchaguzi ujao wa
Rais mwezi Juni mwaka huu. Akitangaza uamuzi huo katika mkutano wa
CNDD-FDD uliofanyika leo mjini Bujumbura, mwenyekiti wa chama hicho
Pascal Nyabenda amesema kama ninavyomnukuu: “Tuna furaha kuwatangazia
wananchi wa Burundi na ulimwengu kwa ujumla kwamba, chama cha CNDD-FDD
kimemteua Rais Nkurunziza kuwa mgombea wake katika uchaguzi ujao wa
Rais”. Mwisho wa kunukuu. Mwenyekiti huyo wa chama tawala nchini Burundi
amesema kuwa, wanawataka wapinzani wao kuwa watulivu na kwamba,
wakachuane na Rais Nkurunziza katika masanduku ya kupigia kura. Aidha
amesema, chama hicho kinavitaka vikosi vya usalama na polisi
kuwachukulia hatua wale wote watakaojitokeza barabarani kupinga uamuzi
huo. Wakati huo huo, vyama vya upinzani nchini Burundi vimeapa kwamba,
vitasimama kupinga uamuzi huo ambao vimesema unakinzana wazi na katiba
hasa kwa kutilia maanani kwamba, kiongozi huyo ameshaingoza nchi hiyo
kwa duru mbili. Taarifa zaidi zinasema kuwa, uamuzi huo unaweza kuzusha
machafuko katika nchi hiyo ambayo imeshuhudia amani na utulivu tangu
mwaka 2005 baada ya kumalizika vita vya wenyewe kwa wenyewe
Zaidi ya watu 1,400 wamepoteza
maisha yao kufuatia mtetemeko mkubwa wa ardhi wenye ukubwa wa 7.9 kwa
kipimo cha rishta uliotokea magharibi mwa Nepal karibu na mji mkuu
Kathmandu. Mtetemeko huo uliotokea majira ya mchana kwa wakati wa Nepal
umeutikisa vibaya mji mkuu Kathmandu ambapo mbali na kupelekea mamia ya
watu kupoteza maisha na maelfu ya wengine kujeruhiwa, umesababisha
uharibifu mkubwa wa nyumba. Waziri wa Habari wa Nepal Minendra Rijal
amewaambia waandishi wa habari kwamba, mji mkuu Kathmandu ndio
ulioathiriwa zaidi na baa hilo la kimaumbile. Idadi ya waliopteza maisha
katika mtetemeko huo wa ardhi inakadiriwa kuwa, itaongezeka hasa
kutokana na kuwa, watu wengi wamefukiwa na vifusi. Habari zaidi zinasema
kuwa, majengo na majumba mengi yakiwemo ya kihistoria yamebomolewa na
kuharibiwa kabisa na tetemeko hilo la ardhi. Waziri wa Habari wa Nepal
amesema kuwa, timu maalumu ya uokozi tayari imetumwa katika maeneo
yaliyokumbwa na mtetemeko huo wa ardhi na kwamba, kazi ya uokozi
inaendelea. Mtetemeko huo wa ardhi umeitikisa pia nchi jirani ya
Bangladesh na taarifa kutoka nchini humo zinasema, watu wawili
wamepoteza maisha na wengine mia moja wamejeruhiwa kufuatia janga hilo
la kimaumbile. Aidha mji mkuu wa India New Delhi na baadhi ya miji ya
mashariki mwa nchi hiyo nayo imekumbwa na mtetemeko huo wa ardhi.
Polisi nchini Italia wanasema kuwa wamewakamata watu 18 wanaoshukiwa
kuwa wanachama wa Islamic State kutoka nchini Afghanistan na Pakistan
katika oparesheni kubwa ya kupambana na ugaidi.
Wanasema kuwa
wawili kati ya washukiwa hao wanaaminiwa kuwa walinzi wa aliyekuwa
kiongozi wa al-Qaeda Osama Bin Laden na wengine wanashukiwa kuhusika
kwenye mashambulizi nchini Pakistan likiwemo shambulizi lililotokea
kwenye soko la Peshawar.
Oparesheni hiyo ilikuwa imeendeshwa kwenye kisiwa cha Italia cha Sardina .
Polisi
walisema kuwa kundi linalofanyiwa uchunguzi lilikuwa limewapangia
wanachama wake kuingia nchini Italia wakiwa na vyeti vya kufanya kazi au
kama watafuta hifadhi.
MAPEMA ASUBUHI YA LEO 24/4/2015 ZANZIBAR PEACE TRUTH AND TRANSPARENCY ASSOCIATION (ZPTTA)WAKISHIRIKIA NA TANZANIA YOUTH ICON (TAYI)WA MEZINDUA MPANGO WAKUHAMASISHA UCHAGUZI WA AMANI KWA KUEKA KIKAO NA WANAHABARI WA VITUO VYOTE NCHI TANZANIA
KATIBU WA ZPTTA AKIHOJIWA NA WANA HABARI WA STATIONS ZA TV NA REDIO MBALIMBALI ALITOA NASAHA KWA VIJANA WA TANZANIA KUTO KUKUBALI KURUBUNIWA NA WANA SIASA KWA KUTOA MIFANO MBALI MBALI YA NCHI ZILIZO INGIA KATIKA MITAFARUK YA MACHAFUKU IKIWEMO YEMEN ,LIBIA,SIRIA ,IRAQ N.K NA KAULI MBIU YA" SEMA NDIO KWA AMANI NA HAPANA VITA"
NAE MKUFUNZI WA VIJANA KUTOKA (TANZICT) FANUEL ANSIGAL AKITOA NASAHA NA ELIMU KUHUSU UCHAGUZI WA AMANI
